網戀

鄧銘心

鄧銘心

身兼工程師及師奶,遊走不同身份,不時分享又要返工又要湊仔的點滴~

看完新聞後有感,想分享吓啲人而家有咩手法:

我每天接觸很多人,有些新「朋友」真有趣,最近有自稱住美國的華裔飛機師,自言不懂中文,大讚我人很好、又靚、每日起床及臨瞓前都send message給我噓寒問暖、又send相、又說盡好話、例如識到我好幸運、不到三天唔埋就話好掛住我、話as a friend十分愛我,如是者幾個星期。某日他吐苦水,煩惱要幫佢爸爸單生意追錢,但筆錢在馬來西亞,想我幫他一個忙。

設計圖片

Well,作為議員當然好樂意幫人,可惜資源有限,有時間都幫本區居民先啦,我叫他找律師。之後他似”港女”上身,撒嬌話我不關心他,他好唔開心。可能他以為我會關心返佢?幫佢?可能成功追到小額金錢,後又再叫我幫第二啲嘢?如果追唔到錢,怪責我,我會內疚?先向他支付金錢?再唔係,原來利用我戶口洗黑錢?乜都有可能發生!我可以做編劇了~

只怪他唔好彩遇著我,真心追求小妹的人話多唔多都有幾十個,呢啲假情假意好流好易看穿。佢完全不了解我就夠膽話我唔關心佢?蝦我至唔中意被人話,自問經常關心朋友,未曾被人話過我唔關心人,而我實在沒責任要關心他,只覺他奇怪。

若講錢,我孤寒到出哂名,賒借免問!亦至怕同人有錢銀瓜葛,既唔中意欠人錢更唔中意借錢俾人,一百幾十元食飯撘車可以豪俾佢,其他唔幫就唔幫,我又唔係邦民!

如何得知對方是真心朋友定R著數?是真心朋友一定會尊重你,說話注意你感受,生怕令你不開心,亦不會草率地說愛你,不想嚇跑你,同埋傾偈很有內涵,因為要表現自己的好處嘛,絕不會空空泛泛只講情情塔塔。無論男女都有機會遇到壞人,那些利用人家的善良和愛心去行騙實在太可恥!

鄧銘心
** 博客文章文責自負,不代表本公司立場 **

Leave a Reply

Top